IV edición Xornadas de Portas Abertas de Valdeorras en marcha

O 30 e o 31 de maio celebrarase na comarca de Valdeorras unha nova edición das xornadas de portas abertas que organizan entre Turismo de Galicia e a Ruta do Viño de Valdeorras. Durante a fin de semana os visitantes terán a oportunidade de coñecer as adegas participantes de xeito gratuito, mentras catan un viño e toman un pincho en cada unha delas. As visitas faranse con transporte en autobús con paradas en varios puntos da comarca para recoller aos participantes nas rutas. Os visitantes terán ademais prezos reducidos nos hoteis e nos restaurantes que forman parte da Ruta do Viño de Valdeorras.

De momento están organizando os horarios e rutas das visitas, así como os detalles da II Festa de Portas Abertas que se celebrará no Barco na noite do 30 de maio. 

Dende a organización indican que está aberto o prazo para reservar as prazas no autobús enviando un email a: valdeorrasesvino@gmail.com